Friday, October 11, 2024

Bro. Junn felix Landicho (Who is..)


Born in Batangas City  on May 16, 1965.  Father of five children; Felix III (Boyeth), Angel Domingo, Mark Jonn, Bett Arjhay and Aelexi Dianne. Currently, Founder and President of TaskForce – OFW International, and Officer in various organizations based in Rome, Italy. A self-motivated and result-oriented person with more than twentytwo(22) years of experience dealing for the sake of OFW’s. With his experience, achievements and concern for fellow OFW’s, he believed that he is competent and deserve for the role of a leader who protect, assist and give real welfare for the OFWs. 



Organization Experience:

ACPPI – Association of Chief of Police of the Philippines                                            Honorary Member; May 22, 2019 - Present   

AKO - OFW Inc.   February 07, 2018 – Present, National Vice-President
PDP - Laban Italy Council   October 22, 2017 to present, Liaison Officer
Mula sa Masa DU30 Movement (MMDN) - Italy Chapter October 1, 2017 - present
Coordinator (External Liaison Officer)
Balaraw Journal (News Paper - Prov. Batangas)  April 04, 2017 – Present 
Columnist - Tinig ng OFW
8 TriMEDIA DZRJ 810 AM Radio  July 18, 2016 – July 18, 2017  
Co-Host - "RADYO OFW"
OFW Family PartyList  August 27, 2015 – May 27, 2017
Chapter President to Italy  and  5th Nominee, 2016-Election
Maharlika Alternative Society (Rome, Italy)  April 19, 2013 – Present
Founder and President
TaskForce – OFW (Rome, Italy)  August  05, 2012 – Present 
Founder and International Organizer
Comitato Roma Capitale Italia-Europa (Rome, Italy) January 30, 2014 – Present 
Coordinator for Asian Community
Federation of Filipino Community and Assn. (Rome, Italy) November 2011 – August 2014
BOD, Spokesman and Adviser
Bantay Bayan Foundation Inc. - Batangas Province  May 2010 – May 2012                    
Provincial Organizer for Moral Recovery Group
Ang Bagong Bayani Coalition Party Year 2006 - President
Guardians Philippines Inc. Anti-Crime - Italy Chapter June 22, 2002 - May 12, 2005 
Vice President  For Operation

Government:
Mabilog na Bundok, Lobo, Batangas  Year 1988 - Barangay Councilor  


Education:
FAST - Filipino Academy of Scientific Trades - Batangas City; October 1984
General Radio Communication Operator (GRCO) and Master Electrician

Work Experience:
Capital Rent s.r.l - Rome Italy August 2010 - February 2016 - Electro-Mechanic
MindoRoma Cooperative - Rome, Italy May 2006 - June 2009 - President and Administrator
Galileo s.p.a. c/o Serridea Coop. -Tivoli, Italy March 2005 - May 2006 - Warehouse man
Radio Roma 103.9 Mhz. FM - Rome, Italy July 1997 - August 2004  - Fonico (Audio Technician)
Al Henaki Co. - Kingdom of Saudi Arabia August 1989 - October 1992 - Industrial Electrician
JET Marketing "Exclussive Distributor Emrol Pharma." October 1986 - October 1987
Sales Supervisor (Oriental Mindoro)
KBS-DZBR 531 Khz. AM - Batangas City May 1985 - April 1987 - Radio Talent / Artist

Training:
V.V.A.A. Protezione Civile (Italian Organization for Civil Protection) Year 2004-2008
Continuous training for; environment protection, disaster, rescue operation
International Education Center (Rome Italy) February 9, 2015 
Professional Development Training
POLO / OWWA, Rome Italy March 29, 2015                                                                     
Leadership and Development Training
UP - College Of Public Health with the Department of Health November 21- 25, 2016 
Certification Course for Water Refilling Station and Plant Operators
PDP - Laban (Rome Italy) October 22, 2017 | BMS - Basic Membership Seminar
Federalism 101 (Nene Pimentel Version) Seminar, Rome Italy October 22, 2017
Egalitarian Federalism Seminar, Fort Bonifacio Taguig City December 4, 2019
Orientation Training/Seminar for OFW Advocates, OWWA Center Bldg. December 12, 2019

Awards:
*1st Prize Winner Centennial Poetry Writing Competition (100th Philippine Independence Day Celebration) - June 14, 1998
*Received the Royal Grant Award as Knight(Datuk) of the Royal Hashemite Sultanate of Sulu and  Sabah; - November 11, 2011

Accomplishments:
*Year 2007 - The first Filipino that have placed our Flag in a sort of “contract labor” the CCNL Colf(Household Worker) / Badante(Care Giver) con Ebilcoba in Italy.
*2011 to present - Continuous fighting on famous Filipino Migrants Middle Name issue in Italy.
*February 8, 2012 - Bravely communicated the Philippine Congress to raise the OFW’s problems in Italy specially the issue about middle name, and because of him with his allies the Embassy gave the opportunity to reduce all fees like Passport Renewal, Affidavit, Certification, Authorization and etc.
*May 14, 2014 - He made a dialogue to the PAG IBIG-Officer in Rome and the controversial issue (only in Italy) about PAG IBIG mandatory membership has been resolved.
*December 1, 2015 - Issue regarding Exit Pass for OFW’s in Italy has been resolved resulting to POEA Memorandum Order Circular #13 series of 2015.

Netizens Suportado si Director Nancy Garcia

TINGNAN: Nagpahayag ang ilang netizens mula sa abroad particular sa Italia, ng suporta para kay "Former DFA Regional Director" Ms. Nancy T. Garcia, na tatakbo sa pagka-Mayor sa Lungsod ng Tanauan, Batangas.

Anila hindi malilimutan ng mga OFWs at OFs ang ginawang malasakit at paggabay ni Garcia noong siya ay nanunungkulan pa sa mga Embajada, lalo na noong siya ay nasa Philippine Embassy Rome Italy  bilang ATN- OFFICER.

Base na rin sa kaniyang karakter na aming nasaksihan, kami ay lubos na naniniwala sa kaniyang kakayahan at  marubdob na layunin, na lalo pang mapaunlad at ma-isaayos ang pamamalakad sa pamahalaang lungsod ng Tanauan upang mas ma-abot ang mga pangunahing pangangailangan ng mga mamamayan, particular ang mga Mahihirap, Senior Citizens, PWDs, at ang mga legal na karapatan ng  LGBTQ+ sector.

Dagdag pa nila [netizens] kung sa abroad ay nagawa niyang gabayan ang ating mga kababayan, ay lalo pang magagawa niya sa kaniyang lungsod na sinilangan, kaya mahalaga na  mabigyan ng pagkakataon na maipatupad ni Ma'm Nancy ang kinaugalian niya na pagiging TRANSPARENT upang maiwasan at/o labanan ang palasak na kurapsyon sa bansa.

Si Director Nancy Garcia ay subok na sa kaniyang katatagan, determinasyon at tapang  sa pagharap laban sa katiwalian, kaya hindi mahirap para sa kaniya na pamunuan ang kaniyang mga masasakupan!

Si Nancy Garcia ay  lehitimo at taal na taga-Tanauan Batangas, mula sa angkan ng mga Nazareth, Garcia, Agustin, Tagulao, Gonzales, Laurel at Collantes!

Magugunitang ang kaniyang mga ninuno ay naging mga lingkod bayan hindi lamang sa noo'y bayan ng TANAUAN kundi maging mismong sa Lalawigan ng BATANGAS nang kanilang kapanahunan!


@bjf🌺

Saturday, March 10, 2018

Pang-aabuso sa OFWs at kapahamakan paano lulutasin?


Tinig ng OFW
Ni: Bro. Junn Landicho



Noong nakaraang Pebrero 28, 2018 ay nagkaroon ng “Summit for OFWs Concern” na ang patnugot ay ang Department of Labor and Employment o DOLE.

Pangunahing tinalakay ang pag-lift ng ban para sa mga mangagawang Pilipino sa Kuwait na kasalukuyang pina-iiral bunga ng mga napabalitang malawakang pang-aabuso sa hanay ng OFWs particular ang mga Household workers.

Sa kalagitnaan ng pagpupulong ay mariing tinanong ng Secretario ng TESDA na nasa panel ng DOLE ang solusyon para mapigilan ang mga pang-aabuso sa ating mga mangagawa. Aniya: Paano mapipigilan ang pang-aabuso sa mga OFWs?

Dahil sa dami ng nagsidalo at na halos lahat ay may problema sa kani-kanilang kalagayan (status) bilang mga manggagawa sa Kuwait, ay hindi nabigyan ng pagkakataon ang inyong lingkod upang magsalita at makapagbigay sana ng suhestion hinggil sa katanungang may kaugnayan sa paghahanap ng solusyon sa suliranin.

Ganun pa man, nakatanim pa rin sa ating isipan ang isang idea na ina-akala nating kundi man makapigil ay makababawas ng malaking porsyento % sa pang-aabusong nararanasan ng ating mga kababayan, partikular sa mga nagta-trabaho sa gitnang silangan.

Kaya sa pitak na ito ay ating isisiwalat ang panukala sa tatanggapin man o hindi ng kina-uukulan.

Ngunit bago natin alamin ang kasagutan sa tanong na: Paano mapipigilan ang pang-aabuso sa mga OFWs? ay ugatin muna natin ang mga totoong kaganapan at aminin sana ng bawa’t panig ang kani-kanilang pagkakamali o pagkukulang, dahil wika nga ni TESDA Secretary: “kung hindi tayo aamin ay wala tayong magagawang solusyon!”

Aminin natin na sa katotohanan ay may balakid sa pagitan ng Embahada at ng OFWs, karaniwan nang ang mga kawani o ilang opisyal ay mga suplado at matataas ang turing, na nagiging dahilan kung kaya kimi ang mga OFW na may mga hinaing.

Hindi maikakaila na ang mga indibidwal na OFWs ay takot lumapit sa embahada upang mag-complain kahit na sila ay nasa bingit na ng kapahamakan, kaya ang nangyayari ay sa mga Fil-Com leaders sila lumalapit at humihingi ng tulong.

Isang katotohanan iyan at hindi mapabubulaanan, karansan na natin na daan daang problemadong OFW ang sa atin ay dumudulog, samakatuwid ay ganoon din sa mga ibang aktibo sa adbokasiya.

Ano naman ang nagiging papel natin bilang mga kapuwa OFW na nagmamalasakit?

Sa simpleng paraan ay humahanap kami/tayo ng mga pala-kaibigang opisyal ng gobyerno partikular sa DFA at/o DOLE upang hingan ng tulong, na bagaman at nakatutulong ay limitado lamang dahil wala tayo sa posisyon upang tahasang asikasuhin ang mga usapin, kundi sa pamamagitan lamang ng boluntaryong  pamamaraan.

Ngayon ano ang nais nating ipabatid, at ano ang kaugnayan nito sa solusyon sa problema?

Simple, dahil sa pangyayaring ito na isa sa ugat ng mga nangyayaring pang-aabuso, hinihimok natin ang kina-uukulan na lumikha ng mga “representative” sa bawat pasuguan, mga kinatawan na kukunin sa mismong hanay ng mga OFWs, dahil sila ang mas higit na naka-aalam ng mga suliraning dinaranas ng kapuwa nila.

Ang mga representative na ito kung mabubuo ang siyang magsisilbing mediator sa pagitan ng OFWs at  tauhan sa Embahada, nakatitiyak na ang sinomang masasadlak sa mga hindi ina-asahang(aksidente) kapahamakan, pang-aabuso at iba pang kauri nito ay walang pangingiming makapaglalahad ng kanilang sumbong(complain) at agad na mabibigyan ng aksyon dahil sa ang mga representante ay kasuwato na ng mga nasa pasuguan o alimang ahensya na kina-uukulan.

Isang maliit na bagay lamang ito na kung bibigyang pansin ay makapagbibigay ng kaginhawahan sa pagtupad ng tungkulin ng bawa’t isa, maaari din itong maging paraan upang mas mapaglapit ang ugnayan ng OFWs at Embahada na sa katotohanan ay pinaghihiwalay ng pag-aalinlangan sa isa’t-isa.

Nakahanda ang ating hanay upang ilahad ang mechanics at paraan kung paano paiiralin ang sistemang ito, kaya kung mapagbibigyan ng isang masusing pagpupulong ay maaari tayong makabuo ng isang lupon na magsasagawa upang mabigyang kalutasan ang lumalalang suliranin.

Iminumungkahi natin ang bagay na ito sapagka’t naniniwala tayo na seryoso ang gobyernong Duterte na makapagbigay ng tunay na kalutasan sa mga problemang kina-kaharap ng sector ng OFWs.

Sana totoong solusyon ang nais mangyari at nawa ay mabigayan ng pagkakataon ang mga OFWs na may kakayahan at malasakit upang tumulong sa ating pamahalaan para sa ikagaganda ng kalakaran at maitaas ang dignidad ng mga nakapaloob sa ating kumunidad.

Umaasa tayo na mabibigyan ng masusing pag-aaral ang panukala nating ito, upang pakinabangan ng mas nakararami, lalo’t-higit ay ng mga OFWs…✍

Wednesday, February 14, 2018

Duterte Effect tila hindi ramdam ng mga OFWs sa Italia


Tinig ng OFW
Ni: Bro. Junn Landicho



Sa pagbubulay ko, ito ang aking napagtuunan ng pansin; Since 2015 pa nag-oorganize na ang mga Pilipinong supporters ni Pangulong Duterte dito sa Italia, at naipanalo nga ang pinaniniwalaan nilang magpapabago ng sistema ng bansa partikular na ang dating masamang pagtrato sa mga OFWs.

Subalit tila magpahanggang sa ngayon ay hindi pa rin nararamdaman ang tinatawag na Duterte effect ng mga Pilipinong naninirahan sa bansang ito.

Tama naipanalo na nga nila yaong gustong manalo, at sa tingin ko, nararapat din naman na gumawa sila ng para sa kanilang kapakanan at kalagayan, panahon na para ipanawagan ang kanilang mga talagang hinaing.

Kaya ang pagabalak ng isang malakihang manipestasyon sa February 22 / 25, 2018 dito sa Roma ay hindi lamang isang bugso ng damdaming suportahan ang kasalukuyang Administrasyon kundi isang mainam na sandali upang amukiin ang pansin ng Pangulo upang mabigyang katuparan ang matagal ng kailangan at mithiin ng mga “Overseas Filipinos” o Diaspora  lalo’t higit ay ng mga OFWs sa Italia.

Nararapat  nating ipabatid kay tatay Digong na kailangan dito ng Shelter para sa mga biglaang pangyayari gaya ng pagkawala ng trabaho ng ilan, mga pagkakasakt na hindi sakop ng sustine ng gobyerno ng Italia at marami pang kadahilanan.

Kailangan din natin ng isang Ambassador na aaktong ama para sa lahat ng mga Pilipino at hindi para lamang sa iilang lider ng Fil-Com na hidhid at sipsip sa embahada.

Isang pinuno ng Pasuguan na magtataas sa antas ng kalagayan ng mga migranteng Pilipino at hindi siyang pasimuno ng pagbalahura sa dignidad nito, gaya ng mga nakaraang pangyayari, partikular ang bantog na pagtanggal sa middle name ng mga Pilipino sa kanilang mga personal na documento.

Kailangan rin ng isang Abogado, Psycholosìgist at ng isang Representative ng DSWD na may kakayahan sa kanyang atas, ATN Officer na may kapasidad mamagitan sa mga sigalot ng mga mamamayan at kakayahang magtanggol, mga Staff na may pagtratong kundi man kapatid o kaibigan ay tratuhin man lamang kami na isang kababayan at iba pang Opisyal na may kakayahan at malasakit na lumikha ng mga programang napapanahon at tutulong sa ating Kumunidad, lalo na ng para sa ating mga Kabataan at Senior Citizen.

Simula ng manungkulan si PRRD marami ng mga opisyal ng gobyerno ang bumisita dito, mayroong Secretary, Under Secretary, Assistant Secretary, mga Commissioner at iba pang mga uri ng opisyal.

Subalit tila ang mga napagtalakayan sa mga pagpupulong na ginanap ay mga pangarap pa lamang at hanggang sa ngayon ay naghihintay pa rin ng katuparan kung magaganap nga baga ito o hindi o kung kailan.

Sana sa darating na mga araw ay mabigyang pansin ang tunay na kalagayan ng mga Pilipino sa Italia.

Sana balansehin  ng mga opisyales ng gobyerno  na dumalaw dito ang mga report na idinulog sa kanila upang mabigyan katarungan ang tunay na pangyayari na kinasadlakan ng mga mamamayan.

Sana huwag namang basta maniwala sa mga fil-com lider na kanilang unang nakasalamuha at nakasama sa pagpapa-picture at sa mga kawani ng embahada na ang karaniwang buod ng salaysay ay pawang balintuna sa mga tunay na kaganapan.

Sana alamin at limiing mabuti kung ano ang talagang hinaing ng bayan!


SANA… ✍

Tuesday, January 2, 2018

7 taon na ang nakaraan Middle Name problema pa rin ng Pilipino sa Italia

Tinig ng OFW
Ni Bro . Junn Landicho


Samu't-sari ang mga issue pagdating sa buhay ng OFWs, gaya halimbawa noong 2010 naging mabigat na usapain ang tungkol sa middle name dahil ito ay ipinatanggal ng mismong embahada sa mga personal na documento ng mga Pilipino na dito.

Sari-saring dahilan at kalaunan ay sinasabing ito raw ay batas ng Italia, subalit kung susuriing mabuti ay kabalintunaan ang lahat, Nauna nang na-itala na ang bagay na ito ay inisyatibo mismo ng Philippine Embassy at hindi ng Italian government kung kaya ang kanilang mga pahayag ay mga panlilinlang lamang.

Napakasakit isipin na kahit hindi man lamang sumasagi sa isipan ng gobyernong ito (Italian Government) ang tungkol sa middle name ay kusa itong ipinangalandakan ng  embahada na kailangang tanggalin, na nagbunga ng pagtanggal sa sariling karapatan ng isang Pilipinong dayuhan sa Italia upang gumamit ng kaniyang personal na pagkakakilanlan ng na-aayon sa sarili niyang pagpapasya na hindi naman makasisira sa pamayan ni hindi banta sa siguridad ng bansa.

Kamakailan lamang isang Pilipino na naman ang pinagpabalik-balik ng isang ahensya ng gobyerno ng Italia dahil ang kaniyang Permesso di Soggiorno (permit of stay) ay walang middle name at na hindi kasuwato ng kaniyang Pasaporte na mayroon nito.

Isang ka-abalahan sa isang manggagawa ang magpaliban-liban sa kaniyang trabaho at trauma na nagulat na lamang sa mga pangyayari, bukod pa sa may panganib na matanggal dahil sa paulit-ulit ng pagliban.

Tinanong natin ang pamunuan ng embahada sapagkat ang payo ng Italiano ay isa-ayos ang P.Soggiorno na dapat ay kasuwato ng Pasaporte, Subalit mariin nilang sinabi na hindi maaaring ilagay ang middle name sa Italian  document dahil lalabag di-umano sa agreement ng DFA at ng Italian Government.

Ang tanong anong agreement? Nasaan ito? Bakit hindi ito nalalaman ng mahigit dalawang daang libong (200.000) Pilipino sa Italia na siyang apektado? Ito ba ay panibagong panloloko lamang ng Philippine Embassy na naka-base sa Roma?

Nagsusumamo kami sa gobyernong Duterte at kay Secretary Allan Cayetano, Sana po ay matuldukan na ito, Itong mahigit na pitong taon ng pambabalahura ng embahada sa aming mga OFWs dito sa Italia.

Umaasa pa rin kami na may katotohanan ang pagtawag sa amin na mga bagong bayani at naniniwalang ang Duterte Government ay maka-OFW at hindi maka-opisyal ng gobyernong walang malasakit sa nandarayuhang Pilipino.

Tuesday, November 7, 2017

OFWs Todo-suporta sa Federalismo

Tinig ng OFWs
Ni: Bro. Junn Landicho


Mula ng maupong Presidente si Pangulong Rodrigo Duterte, ay dumami ang nagsulputang mga organisasyon na sumusuporta sa kaniya. 

Hindi maikakaila na ang karamihan ay mga karaniwang mamamayan na tila mga sabik sa bagong yugtong tatahakin ng ating bansa.

Kapansin-pansin na hindi nagpapahuli ang mga OFWs sa pag-gawing ito, sila man ay lumilikha rin ng mga samahan o kundi man ay nakaka-anib sa mga asosasyong mula sa Pilipinas.

Nariyan ang "Mula sa Masa DU30 Movement o MMDM, ang Hugpong Federal, Kilusang Pagbabago at marami pang iba, maging ang partido Pulitikal ng Pangulo na PDP-Laban ay ginawa na ring tila  isang Peoples Movement (kilusang bayan).

Hindi nakapagtataka dahil sa ang sinusuong nilang layunin ay nauuwi lamang sa iisa, ito ay ang pagsusulong ng Federalismo, ang sistemeng pampamahalaan na ipinangako na noon pa man ng pangulo na ipatutupad kapag nanalo ito.

Ano nga ba ang tila magnetong dala ng Federalismo? 

Ito na nga ba marahil ang maghahango sa kahirapan ng bansa at na magiging daan ng pagkawala ng kurapsyon?

Sa ngayon hindi natin alam kung ano ang kahihinatnan ng lahat, subalit naging isang magandang hudyat ito upang masalamin na maari pa rin palang magka-isa ang mga Pilipino sa pamamagitan ng ganitong mga paraan.


Sana ang pagkakaisang ito ay maging tuloy-tuloy upang maibsan ang balakid sa pag-unlad ng ating bayan, at sana'y ito na ang maging daan ng kaunlaran para sa lahat upang sa ganoon madama nating hindi nagkamali ang mga OFWs na todo-suporta sa Federalismo.

Tuesday, October 24, 2017

OEC Tuluyang Aalisin Na?

Tinig ng OFWs
Ni: Bro. Junn Landicho



Sa idinaos na pulong sa Embahada ng Pilipinas sa Roma na dinaluhan ng maraming Filipino Community Leaders at mga taga embahada sa pangunguna ng Ambassador, nilinaw ni DOLE Secretary Silvestre H. Bello III na bago matapos ang taong 2017 ay ilalabas na ang IRR o Implementing Rules and Regulation ng iDOLE.

Minamadali umano ng itinalaga niyang kumite ang pag-aaral at pagsasa-ayos ng lahat ng mga programa ukol dito.

Magugunitang naging kontrobersyal ang issue dahilan sa hindi natiyak kung ito ba ay magiging libre o babayadan at kung may bayad nga ang pag-imprenta nito, ngunit ang tanong ay sino ang magsasabalikat ng mga gastusin.

Sa gitna ng pag-uusap ay tiniyak ng kalihim na magiging maluwag ang implementasyon at kung may kaunti mang dalahin ang mga OFWs ay hindi ito magiging sagabal sa kanilang mga naka-ugalian.

Sinagot din ni Bello ang tanong ng grupong TaskForce - OFW International tungkol sa OEC, anipa ng kalihim wala ng saysay na pag-usapan pa ang tungkol dito at wala ng dapat ipag-alala ang mga OFWs dahilan sa kapag naipatupad na ang pamamahagi ng iDOLE, ito na ang magsisilbing kapalit(subtitute) sa nasabing dokumento (OEC) para sa malayang pagbyahe ng isang OFWs o maging ang mga dating(former) OFW sapagka't sakop nito ang  nasabing sector.

Tinalakay din pulong  ang kasalukuyang sitwasyon ng peace talk, ang tungkol sa human rights at maging ang katiyakan ng pagtatayo ng OF-Bank (kilala bilang OFW Bank), subalit nanatiling wala siyang naging komento (no comment) sa usapin ng panukalang batas tungkol sa binabalangkas na Department of OFW.

Ganun pa man ay punong-puno ng pag-asa ang mga nakibahagi sa diyalogo  lalo na nang mabatid mula mismo sa mga labi ng butihing Secretario na tuluyan ng aalisin ang OEC na matagal ding panahong naging kontrobersyal sa mundo ng mga OFWs.

Tuesday, October 17, 2017

Sa DFA - Lipa, Hindi uso ang palakasan

Tinig ng OFWs
Ni: Bro. Junn Landicho


Kamakailan ay natunghayan natin sa mga pahayagan na isang konsehal sa isang bayan sa Batangas ang ipina-suspindi ng DFA Regional Director sa Lipa City.

Ang dahilan, hina-harass umano ng local official na ito ang mga tauhan sa regional office ng Lipa, nais niyang mas mauna sa mahabang pila partikular na kinabibilangan ng daan-daang OFWS.

Hindi siya pinayagan kung kaya nagsisigaw di-umano ito at nagbigay pa ng pagbabanta, kitang-kita sa cctv ang kanyang reaksyon na nangagalaiti sa galit sa director (ng DFA-Lipa) at mga tauhan nito.

Iginiit naman ng Director ng nasabing tanggapan na si Gng. Nancy T. Garcia, na sinusunod lamang nila ang alituntunin at hindi niya pinapayagan ang anumang uri ng palakasan na isang uri ng curruption, bukod sa roon isinasa-alang alang din niya ang kapakanan ng mga OFWs na nagmula pa sa malalayong lugar at na mga mga ito ay marapat na mabilis na mapagsilbihan.

Ayon pa sa director; "hindi pwede ang ganyan dito kahit pa sinong malaking tao ang backer ng konsehal na 'yan ay dapat siyang sumunod sa patakaran dahil hindi naman niya pag-aari ang gobyerno kundi sa mga mamamayan."

Ang pangyayaring ito ay ikinatuwa ng marami lalo na sa hanay ng mga OFWs sapagka't nabanaag nilang hindi sa lahat ng mga ahensya ng pamahalaan ay may palakasan gaya ng kina-ugalian na siyang nagiging suliranin ng mga walang kapit sa matataas na opisyal ng lipunan.

Tayo rin bilang mga taga Batangas ay maipagmamalaki natin, na sa Regional Office ng Department of Forreign Affairs sa Lipa ay hindi uso ang palakasan.

Tuesday, October 3, 2017

Requirements sa Renewal ng Passport tila nadagdagan?

Tinig ng OFWs
Ni: Bro. Junn Landicho



Noong September 7, 2017 ay nagpalabas ng Advisory ang Philippine Embassy sa Rome Italy at naging kontrobersyal ang issue na ito hinggil sa birth certificate ng mga minors bilang requirement sa pag-renew ng kanilang passport.

Ito ay tila naka-gimbal sa mga OFWs sa Italia partikular sa Roma, kung kaya sinikap nating makapanayam ang Philippine Consulate sa Roma.

Sa pag-uusap ay nabatid natin na marami palang na-encounter na problema ang passport department lalong-lalo na sa system at na ito di-umano ay nakapagpapatagal sa proseso, kung kaya minarapat ng Department of Foreign Affairs (DFA) na ipatupad muna ang alituntuning ito, na hingan ng birth certificate mula sa PSA/NSO ang mga aplikante.

Nagkaroon ng malaking pag-aalala sa panig ng migranteng Pilipino dahil sa may kahirapan bukod pa sa napakatagal kung sa PSA/NSO na naka-base sa Maynila pa nila kukunin ang nasabing documento.

Nagdulot ito ang mga samu't-saring isipin at mga komento, at ang mga iba ay bahagyang nagagalit na.

Dahil dito ipinanukala ng Column na ito na; "habang hinihintay natin ang pinaka-final na dedisyon ng departamento mula sa pagka-alam ng kung ano ang pinaka-ugat ng suliranin partikular sa circuito", ay tanggapin ang "orihinal na Report of Birth" na issue ng embahada mismo.

Agad namang pinaunlakan ng Consul General ang nasabing suhestiyon kalakip ang pangakong mag-hahanap pa sila ng iba pang paraan upang mas makapagpagaan sa requirements para sa kaginhawahan ng mga OFWs.

Anipa ni ConGen Bernie Condolado; maaari rin nilang tanggapin ang mga birth certificate na kinuha sa PSA "via" online upang hindi mapag-isipan na ang "requirements sa renewal ng Passport tila nadagdagan!

Tuesday, September 19, 2017

Pagbabago unti-unting nadarama ng OFWs

Tinig ng OFWs
Ni: Bro. Junn Landicho 


Noong "September 7, 2017" ay nagdaos ng isang  forum sa pagitan ng mga lider na Pilipino sa Roma at ng embahada, naging panauhin si DFA Under Secretary Sarah Arriola, tinalakay doon ang issue tungkol sa ATN o Assistance to National.

Maraming mga katanungan ang nasagot naman ng malumanay ni USec. Arriola at nakagagalak ang kaniyang mga binitawang pahayag.

Magugunitang noong mga nakaraang panahon, ay maraming reklamo  sa tanggapang ito (ATN) lalo na sa mga usapin ng pagpapauwi ng mga labi(bangkay) ng mga sinawing palad sa pandarayunhan.

Ngunit  sa pamamagitan ni USec, ay nabatid natin sa kaniya ang kaibahan ng sitwasyon sa ngayon, aniya pa kabilin-bilinan ng Pangulong Duterte na huwag pabayaan o iwan sa ere ang mga OFWs dahil ang mga ito umano ay malapit sa kaniyang puso.

Ayon pa kay Ms. Arriola, ang lahat ng mga usapin at pangangailangan ng mga OFWs ay ka-agad na tutugunan ng ahensya basta magbigay lamang ng kaukulang pormal na reklamo(kung mayroon man) o pormal na pahingi ng ayuda o tulong ng mga mangangailangan OFW maging ng pamilya nito.

Ang mga ganitong pahayag ay nagpapakita na nababanaag na natin ang talagang pagbabago.

Sana nga mag tuloy-tuloy na ito at sana'y higit na maramdaman natin sa aktwal na pagkakataon at hindi sa mga ganitong pahayag lamang.

Ganun pa man, sa ating pananaw ay ma-aasahan natin ang katapatan ng ni USec. Arriola at nakikita natin ang senseridad ng kaniyang mga tinuran.

Sa panig naman ng mga OFWs,  maka-aasa naman ang ating pamahalaan sa pakikipagtulungan, basta maging tapat lamang ang mga nakatalaga sa kani-kanilang tungkulin.


Pagkaka-isa ang daan ng tunay na pag-asa kaya ito ang nararapat nating isulong at bigyan ng pagpapahalaga upang makamit natin ang matagal ng mini-mithing pagbabago, na unti-unting nadarama na ng mga OFWs.

Tuesday, September 12, 2017

OFW Hospital Ward, Magkakaroon na ng katuparan

Tinig ng OFW
Ni: Bro. Junn Landicho


Sa mahigit apat na taon  nating pagsusulong upang pagkakaroon ng espisikong mga hospital wards para sa OFWs ay nababanaag na natin ang pagkakaroon ng katuparan nito.

Nauna na itong ipinanukala  ni yumaong Amba. Roy Seneres Sr. noon pang 2013, at na ipinagpatuloy ng ating mga kasamahan sa OFW Family PartyList sa pamumuno ni Roy Seneres Jr.  at ng grupong Ako-OFW ni Dok Che Umandap.

Kamakailan lamang ay nagtungo sa Davao si Umandap at mga kasama upang mabigyan na ng realisasyon ang panukalang ito at hindi naman nabigo ang kanilang delegasyon.

Ang bagay  na ito ay malaking tulong sa ating mga ka-OFW at sa kanilang  pamilya kahit na mga regional pa lamang ang gagawing tila experimento.

Subalit nakarating sa ating kabatiran na may ilang mga pulitiko o mga wari'y pulpolitiko na nagpapalabas ng mga publikasyon na sa wari'y pag-aangkin ng merito sa paglulunsad ng OFW Wards na ito.

Kaya ang ating column bilang Tinig ng OFWs kasabay ng pagbubunyi sa pangyayaring ito, ay nananawagan na sana ay huwag bahiran ng pulitikal na intensyon ng ilang mga pulitikong sumasakay lamang sa kagandahan ng mga kaganapan gaya nito.

Nakalulungkot subalit sa halip na makatulong sa mga OFWs at pamilya ang ganitong mga hakbang ay nakapagdudulot pa ito ng lubhang pagka-dismaya.


Sa panig naman ng OFW-Family PartyList at AKO-OFW, anila; hindi na mahalaga ang mga publisidad, ang importante sa ngayon ay ang agarang implementasyon nito upang sa ganoon ay kagya't na mapagsilbihan ang ating mga bagong bayani.


Saludo ako sa mga taong nagmamalasakit sa ating mga ka-OFW, sana ay patuloy pang dumami ang mga ka-akibat ninyo sa inyong hanay. MABUHAY KAYO!!!

Tuesday, September 5, 2017

Maramihang pagpapadala ng kasambahay sa M.E. dapat ba?

Tinig ng OFW
Ni: Bro. Junn Landicho


Kamakailan lang ay naglabas ng resolusyon ang POEA,  na  pinapayagan nilang mag-deploy ng mas marami pang bilang ng Kasambahay para sa Gitnang Silangan.

Kung noon ang isang Foreign Agency ay maaari lamang makipag-partner sa dalawang  Local Recruitment Agencies,  ngayon ay aabot na sa lima ang maaari nilang  ka-partner.

Ito ang magiging daan upang ang maximum limit na pwedeng i-hire ng isang Foreign Agency ay tumaas ng  mula sa dating dalawang daan (200) na magiging limang daan (500) na.

Lubhang nakababahala ang desisyon na ito sapagka't sa kabila ng napakarami na  at sunod-sunod na ulat tungkol sa mga ina-abusong OFWs lalo na sa gitnang silangan,  ay  tila hindi nag-iisip ng solusyon ang ipinagpi-pitagan nating POEA, sa halip ay baka madagdagan pa ang masasadlak sa problema dahil sa kanilang ginawa.

Hindi naman natin lubusang kinu-kondena ang ahensyang ito (POEA),  dahil sa laki ng bilang ng mga ipinadadalang manggagawa sa ibayong dagat  ay naniniwalang tayong mahihirapan talaga sila na i-monitor ang kanilang kalagayan.

Subalit nasaan ang mga OFW-Representative  sa POEA at/o OWWA, sila ba'y nananatiling tila mga palamuti lamang?

Bakit tila wala silang ginagawang aksyon sa mga bagay na ito?

Una na tayong nanawagan na kasuwato ng iba pang mga grupo  ng "deployment  ban"  kahit pansamantala lamang,  upang  mas mapagplanuhan ang usapin ng mga mangagagawa partikular ng mga kasambahay sa Middle East, subalit tila bingi sila at na tila mina-maliit ang ating mga suhestiyon.

Ang mga Representative naman ng OFWs ay tila walang malasakit na naka-upo  sa board at sa wari'y naghihintay lamang ng kanilang honorarium.

Nakalulungkot na kung sino pa ang mismong representante ay sila pa ang hindi ma-asahan.

Sana ay magkaroon ng mga representante na may kakayahan at malasakit para sa mga ka-OFWs upang maging sandigan ng mga tinatawag na mga bagong bayani.

Maglagay sana ng mga kinatawan na totoong uma-aksyon para sa kapakanan ng OFWS at hindi dahil sa ganda ng mga palamuti sa mga nominasyon.


Dignidad ng mga Pilipino ang nakasalalay sa pangingibang bansa, kaya ang nararapat na hiranging kinatawan ay ang totoong may malasakit sa dignidad (ng OFWs) at  may kakayahang pangalagaan  ang kanilang  sitwasyon.

Tuesday, August 29, 2017

Sa pagkamatay ni KIAN, Anong aral ang nakuha natin?

Tinig ng OFW
Ni: Bro. Junn Landicho


Naging mainit ang issue sa pagkamatay ng isang anak ng OFW na si Kian delos Santos, sadyang nakagigimbal dahil 17 anyos lamang siya at maituturing na napaka-bata pa para pumanaw.

Marami pang pangarap sa buhay na nais niyang tuparin at maranasan, subalit ngayon ay wala na, hindi na iyon magkakaroon ng kaganapan dahil sa trahedyang nangyari.

Sa isang inang OFW na nagpapakasakit sa ibang bansa para sa kanilang kinabukasan, ito ay isang malaking dagok para sa kaniya, isang pasakit na kung tayo mismo ang makararanas ay baka hindi nating kaagad na makayanan.

Samu't-sari ang lumalabas na pahayag, di-umano ay talagang drug runner ang batang ito, ayon naman sa panig ng kaniyang pamilya isang simpleng mag-aaral lamang siya at may pangarap pa nga na maging pulis sa hinaharap na panahon.

Iba-iba ang opinion at nagkakasalungatan pa nga bunga ang mga pangyayaring tanging siya lamang ang lubusang naka-aalam ng katotohanan.

Ngunit anoman ang totoong naganap, may  aral tayong makukuha sa kaniyang kamatayan, Ito ay ang pagkakaroon ng wastong pamamaraan ng operasyon upang labanan ang ilegal na droga.

Maiiwasan ang ganitong walang habas na patayan na ang iba ay lihitimo at ang iba naman ay nahaluan ng iregularidad, maiiwasan din na gamitin ng mga hidhid na pulitiko ang mga issue na kalimitan ay para sa pansarili o kundi man ay pampartidong kapakinabangan at hindi naman talaga para sa tunay na pagdamay sa nasawi.

Kung tayo ang tatanungin, hindi nararapat na ang lahat ng kapulisan ay maging bahagi ng kampanya laban sa ilegal na gawaing ito, nararapat sana na magkaroon ng espesipikong debisyon na itatalaga lamang  upang sa ganoon ay maiwasan ang pagsasamantala at na madali rin matukoy kung mayroong gagawa ng labag sa alituntuning inilunsad ng ating pamahalaan.

Sana ang pulis para sa ilegal na droga ay para lamang doon at sila lamang ang nakatutok sa mga ganoong aktibidades, ang sa trapiko ay para sa trapiko, ang sa ibang uri ng kriminalidad ay para sa kani-kanilang atas upang mas maipatupad ang katarungan ng na-aayon sa mga polisia(alituntunin).

Sana makapagigay ng idea ang artilukong ito at na madagdagan pa ng mga kanila namang suhestiyon base sa karanasan nila bilang mga tagapagpatupad ng batas.


Sana makakuha natin ang aral sa pagkamatay ng grade 11 student na si Kian!

Tuesday, August 22, 2017

Sa kaso ni Comelec Chairman Andy Bautista apektado ba ang OFWs?

Tinig ng OFW
Ni: Bro. Junn Landicho


Nakagigimbal ang balita tungkol kay Comelec chairman Andy Bautista, ayon sa isiniwalat ng mismong asawa niya,  di-umano'y may halos o mahigit pa marahil na isang bilyong pisong tagong yaman ng taong ito.

Ayon sa salaysay at mga ebidensya na inilantad ni ginang Bautista, hindi maipaliwanag ng kaniyang mister ang kayamanang iyon.

Tungkol naman sa ating mga OFWs, ano ang kaugnayan nito?  Sa ating pananaw ay napakalaki, dahil kung sakaling may katotohanan ang akusasyon, maaaring ang mga kayamanang yaon ay galing sa mga iligal na aktibidades sa comelec mismo na kaniyang pinamumunuan, sapagka't bilang pangkalahatang tagapamahala ng ahensya higit sa lahat ay siya ang ugat ng mga kasamaan doon kung mayroon man at na ito ay kaniyang pananagutan.

Matatandaan na nitong nakaraang halalan ay kabi-kabila ang mga issue ng diumano'y mga dayaan, at kung mayroon nga nito, tiyak na may malaking halaga na kasangkot dito na maaaring doon nga galing ang sinasabing tagong yaman.

Sa mga pangyayari ay apektado ang mga OFWs, lubhang na-apektuhan ang kanilang tiwala, kung kaya bagaman at bahagi sila ang lipunan ay tila bantulot silang lumahok sa halalan, ni hindi nga na-abot ang malaking porsyento % ng mga nagpa-rehistro o kung rehistrado man ay hindi nangagsi-boto.

Hindi natin sila masisi, dahil sa lumulubhang kurapsyon ay tila nawawalan na sila ng tiwala at pag-asa.

Ito ang isa sa nakikita nating pagka-apekto sa ating mga bagong bayani, ang kanilang kawalang tiwala na nagmi-mistulang masamang bangungot, dahil ang kawalang dignidad ng comelec ay pangunahing nagdudulot ng takot na mapamunuan tayo ng mga may masasamang budhing pulitiko na nakakuha ng posisyon sa pamamagitan ng daya at panlilinlang gamit ang maruming salapi na ninakaw sa bayan.

Ayon naman  sa ating mga nakapanayam na OFWs, kung ang boto na mismong nasa sariling bayan ay nadadaya, lalong higit na posibleng mas dayain ang boto namin na milya-milya ang layo sa bansa.

Sana ma-ayos na ang issue ng comelec upang sa ganoon, maging malinis na ang ahensya at mapalitan ang dapat palitan, para sa kapakanan ng bayan!


Tuesday, August 15, 2017

OEC dapat na Prebilehiyo sa Pilipinong Carta di Soggiorno Holder sa Italia

Tinig ng OFW
Ni: Bro. Junn Landicho


Maraming tulong pinansyal ang inilulunsad para sa mga OFWs, ang mga banko karaniwan ay nagpapautang para tulungan ang OFW na nais mag negosyo, magpa-ayos ng bahay, pagpapa-aral at iba pang personal na pangangailangan.

Subalit may nakikita tayong kaunting kakulangan sa bagay na ito.

Para sa mga Pilipino na nasa Italia, marami sa kanila ang hindi mapagkakalooban ng ganitong prebilehiyo, sapagka't ang isa sa mga requirement sa pagpapahiram  ay ang  OEC, isang documento na hindi ibinibigay sa  isang may hawak na Carta di Soggiorno (CdS), kaya nahihirapan ang halos 40% ng mahigit 200.000 Pilipino mula Sicilia hanggang Como para sa programa sa pa-utang.

Kung tutuusin ay higit na mas may kapasidad na makapagbalik ng kaniyang hiniram ang isang CdS holder dahil "indefinite" ang "permit of stay nila, ibig sabihin ay mas may kalayaan silang magpabalik-balik sa bansang Italia para makapag-trabaho..

Kung sabagay ay mayroon namang katumbas ng OEC na ibinibigay, ito ay sa Department of Tourism nila  kinukuha, isang certificate na nagpapahintulot magbyahe na kahalintulad ng OEC.

Subalit hindi ito kinikilala ng mga bangko sa Pilipinas kapag isinumiteng kapalit ng OEC bilang katunayan na babalik sila ng Italia para mag-trabaho.

Kaya malugod nating iminumungkahi na magkaroon ng prebilehiyo ang mga CdS holder na mabigyan ng OEC dahil sila rin naman ay mga Pilipinong nagta-trabaho sa ibang bansa, o kundi man, maglaan sana ng pakikipag-ugnayan ang POEA sa mga banko upang kilalanin ang travel certificate na galing Tourism na kapalit ng OEC, upang sa ganoon ay mapagbigyan din sila ng pagkakataon na maka-utang gaya ng ibang mga OFWs na nagnanais na mas umasensyo pa ang kanilang pamumuhay sa pamamagitan ng mahihiram na puhunan.


Ang mga OFWs ay halos iisa ang kinasasadlakan, iisa rin ang kanilang mga hinaing at sentimyento, kung kaya nararapat lamang marahil na bigyan natin sila ng pantay na pagtrato.